تحليل مان سيتي. ليفربول

موسم 2024-2023

مان سيتي بطل الدوري ب91 نقطة 

ليفربول تالت الدوري ب82 نقطة 

موسم 2023-2022

مان سيتي بطل الدوري ب89 نقطة 

ليفربول خامس الدوري ب67 نقطة

الموسم التاريخي 2022-2021

مانشستر سيتي بطل الدوري ب93 نقطة 

ليفربول مركز تاني ب92 نقطة وبفارق نقطة واحدة عن البطل 

 

موسم 2021-2020

مان سيتي بطل الدوري ب86 نقطة 

ليفربول تالت الدوري وحقق 69 نقطة 

موسم 2020-2019 

ليفربول بطل الدوري ب99 نقطة 

مان سيتي وصيف البطل ب81 نقطة 

الموسم الاسطوري 2019-2018

مان سيتي بطل الدوري ب98 نقطة 

ليفربول وصيف البطل ب97 نقطة ولتاني مرة بفارق نقطة واحدة بس عن سيتي البطل

ولعبة الكراسي الموسيقية والقط والفار دي

 بدأت حتي من موسم 2013 

لما كان سيتي بطل وليفربول وصيف 

وعشنا مع بعض اكتر من 10 سنين متعة ،،،

كان فيهم كلاسيكو سيتي ليفربول ده ،،،

من امتع المباريات كل موسم وميقلش في أهميته عن نهائي دوري الأبطال وعن كلاسيكو مدريد وبارسا 

وكلامنا النهاردة عن مباراة القمة 

كلاسيكو البريميرليج 

مباراة الموسم وكل موسم 

أول مباراة رسمية 

يلعب فيها عمر مرموش بتيشرت السيتي 

ضد محمد صلاح كينج ليفربول 

هقولك فيها تشكيلات الفريقين المتوقعة وطريقة لعب الاتنين وتوقعات نتيجة الكلاسيكو كمان 

 

بس الأول إعمل لايك و اشترك في القناة  

ده لو لا قدر الله مكنتش لسه مشترك ومفعل زي الجرس 

عشان يوصلك كل فيديوهات ومحتوي ستيب سبورت الفاخر

ندخل في السخن علي طول

 

ونبدأ بالتشكيلات المتوقعة للفرقتين 

ونبدأ بصاحب الأرض والجمهور مانشستر سيتي بعد الباي باي تشامبيونزليج

هدفه الوحيد هو التأهل لدوري الأبطال الموسم الجاي بحجز مكان ضمن الأربعة الكبار في البريميرليج 

حراسة المرمى 

البرازيلي ايدرسون 

خط الدفاع 

قلبين دفاع ناثان أكي و روبين دياز  

باك شمال جفارديول 

باك يمين جاكي شان الشهير بخوسانوف

 

وسط الملعب الرباعي 

نيكو جونزاليس وبيرناردو سيلڤا وكيڤين دي بروين وفيل فودين

والهجوم عمر مرموش وايرلينج هالاند 

ودكة السيتي ما شاء الله عمرانة بالنجوم والصفقات الجديدة 

وعليها الحارس اورتيجا ،،

 و 

 وماثيوس نونيز وجوندوجان

 وساڤينيو وماكيتي ودوكو وكوڤاسيتش ورييس 

وچاك جريليش و ريكو لويس   

والمصابين عند السيتي 

البالون دور رودري وأكانچي وستونز وأوسكار بوب 

والناحية التانية التشكيل المتوقع لمتصدر البريميرليج ليفربول هنقوله بالأساسيين والدكة والمصابين وطريقة اللعب كمان 

لكن الأول عندنا السؤال الموجه فقط لمتابعينا المحنكين ،،،

خبراء الكورة اللي بجد ،،

وعين أعيان كل متابعين منصات اليوتيوب ،، 

متابعين ستيب سبورت 

السؤال هو

مين هما ال3 لعيبة اللي في موسم 2019-2018  

 اللي تشاركوا في الحصول علي جايزة الحذاء الذهبي لهداف البريميرليج 

لتساوييهم في عدد الأهداف ب22 هدف لكل واحد منهم ؟؟؟

وقف الفيديو لحظة 

وجاوب علي السؤال في الكومنتات

نرجع بسرعة للتشكيل المتوقع لليفربول ،،،

حراسة اليسون بيكير كالعادة 

قلبين دفاع ڤان دايك و إيبو الشهير ب ابراهيما كوناتي 

باك شمال روبيرتسون 

وباك يمين ترينت الكسندر ارنولد 

وثلاثي خط الوسط خرافينبرخ واليكسيس ماك اليستر

وسوبوسلاي في مركز 10 صانع الألعاب 

وينج يمين أبو مكة محمد صلاح 

وينج شمال لويس دياز 

وقلب الهجوم دييجو چوتا jjjjjjota  

ودكة ليفربول عليها كوانساه وإليوت و كيبزا وبرادلي و وداروين نونيز وتسيميكاس  

وطريقة لعب ليڤربول مع ارني سلوت 

برغم بساطة افكارها ووضوحها 

إلا إنها محدش قادر يبطل مفعولها ولا يفك شفرتها ويبطل مفعولها لحد دلوقتي 

في الحالة الهجومية 

لما بتكون الكورة مع ليفربول في مرحلة بناء اللعب 

بيكون شكل الفرقة 

253

الاتنين دول هما قلبين الدفاع فان دايك وكوناتي

وبيزق الباكين علي وسط الملعب 

عشان يبقي عنده خمس لعيبة في خط الوسط 

وقدام تلاته ثابتين 

وينجين ورأس حربة

لكن مش بالشكل التقليدي لثلاثي الهجوم 

سلوت بيعتمد علي تحميل اللعب في طرف من طرفين الملعب 

وفكرته ببساطة هي إنه يخلي الباك الشمال والوينج الشمال واقفين علي نفس الخط الطولي

والباك اليمين ارنولد ومحمد صلاح واقفين علي خط طولي واحد هما كمان 

ويرحل كمان لويس دياز علي الطرف اليمين مع محمد صلاح أو علي الطرف الشمال 

والحركة دي الهدف منها ضرب اكتر من عصفور بحجر واحد 

وخلق أسئلة كتيرة وحالة من الحيرة بيكون فيها مدافعين الفريق المنافس 

أسئلة من نوعية 

التزم بمكاني ولا اروح اساعد الباك اللي رايح عليه اتنين لعيبة ؟

طيب لو هروح اساعده

ما هو مكاني هيفضي وهتتخلق مساحة ليفربول هيستغلها ودفاعنا هيتضرب 

ولو وقفت مكاني والتزمت ومروحتش أساعد زميلي 

ما هي كده هتبقي حالة اتنين علي واحد 

وهيعدوا منه وبعدها هيجولي وهيعدوا مني أنا كمان 

وزي ما قولتلك 

طريقة ارني سلوت 

صعوبتها في بساطتها 

والخدعة فيها دايما بتكون في اللاعب التالت في وسط الملعب  

اللي هو سوبوسلاي 

واللاعب ده بيتغير مهامه حسب سير المباراة ونتيجتها 

يعني ساعات بتلاقيه بيلعب في مركز 10 

وبيكون صانع ألعاب قدام محورين الوسط 

وأوقات تانية بيكمل جوه منطقة جزاء المنافس عشان يكون راس حربة تاني 

عشان يكون شكل الفريق 424

وياخد معاه مدافع من المدافعين 

أو لاعب خط وسط 

عشان يزود الكثافة العددية لليفربول جوه منطقة الجزاء 

وعشان يفرغ مكان في خط وسط الخصم للزمايله القادمين من الخلف 

واعتماد ليفربول دايماً 

بيكون علي سرعات ثلاثي خط هجومه 

وخلق موقف واحد علي واحد للوينجين صلاح ودياز 

وكرات طولية خلف المدافعين

وسيتي جوارديولا 

بطريقة لعبه الجديدة

 

بتعتمد علي رباعي دفاعي تقليدي 

قلبين دفاع وباكين

الباكين دول منهم ريكو لويس الباك اليمين اللي بيضم علي وسط الملعب عشان يكون inverted back 

جنب نيكو جونزاليس 

والباك الشمال جفارديول اللي بيطير علي الخط مع بداية كل هجمة 

عشان يتحول لجناح شمال 

ويسيب الوقت والمساحة لعمر مرموش اللي بدأ مرحلة التوهج والانفجار بإنه يدخل لمنطقة الجزاء عشان يكون المهاجم التاني جنب هالاند

والخدعة الجديدة اللي جربها بيب ونجحت نجاح مذهل

هي سقوط واحد من الاتنين المهاجمين سواء هالاند أو مرموش بالتبادل 

لسحب قلب دفاع الفريق المنافس معاه 

ولعب الكورة الطويلة في ضهر الدفاع بعد ما المدافع اللي سحبه هالاند أو مرموش معاه لما نزل لوسط الملعب 

وكانت واضحة جداً الفكرة في ماتش نيوكاسل اللي عمر مرموش سجل فيه هاتريك بفضل الفكرة العبقرية دي 

وبيتم الخروج بالكورة عن طريق العمق ورباعي الوسط 

علي طريقة ال box midfield 

لحد ما يوصل الفريق لموقف واحد علي واحد من طرف من الطرفين 

أو يتم الاختراق من العمق عن طريق العشرات مرموش وفودين وبيرناردو ودي بروين 

عشان في النهاية توصل الكورة لهالاند في أفضل ظروف لتسجيل الهدف

نيجي بقي لتوقعات المحللين والخبراء لنتيجة قمة الأبطال 

الطبيعي إن الماتش كالعادة بين سيتي وليفربول 

يكون مفتوح وسريع 

والفريقين هيكون هدفهم الفوز وتسجيل الأهداف 

والحقيقة سيتي مستواه طالع نازل ومتقدرش تعرفله فورمة ولا تتوقعله نتيجة قدام أي منافس  

العقل والمنطق بيقولوا إن ليفربول يكسب  

لكن 

العقل والمنطق بيقولوا 

إن السيتي بالصفقات الجديدة وطريقة اللعب الجديدة هيفتح نار هجومه ويستخدم كل أسلحته للفوز في ملعبه 

والاتنين داخلين الماتش وهما حاطين قدامهم هدف واحد بس 

وهو الفوز ولا شئ غير الفوز 

إذاً 

3-2 لليفربول   

أو 2-2 بين الفريقين 

هما أقرب نتيجتين 

تنتهي بيهم معجنة كلاسيكو ليفربول ومان سيتي 

وفي كل الأحوال 

اللي هيكسب هنقوله مبروك 

واللي هيخسر هنقوله hard luck 

واللي يعطس هنقوله يرحمكم الله

واللي هيحلق هنقوله نعيماً 

دلوقتي بقي 

جه دورك يا أبو الكباتن 

عايزك تقولي في الكومنتات 

توقعك لنتيجة مباراة ليفربول ومانشستر سيتي 

وتفتكر الكلاسيكو الانجليزي هيخلص كام كام ؟؟ 

 

ولو وصلت لحد هنا تبقي من متابعينا الأوفياء ،،

عشان دي نهاية الفيديو ،،

كل اللي عليك تقولي رأيك في الكومنتات ،،

وتعمل لايك و subscribe و share 

وكل اللي علينا فيديوهات جاية أقوي وأحلي بكتييييير